- انا سالي رفعت عمري ٢٤ سنة ربنا اختار اني ابقى مختلفة (فأنا من متحدي التوحد ).. يمكن مش باعرف اتواصل مع الناس او اعبر عن نفسي فكان الرسم هو اجمل حاجة في حياتي حبيته وبقيت اعرفه قبل ما اعرف اتكلم..كنت بارسم على الحيطة وعلى ارض غرفتي بطريقة مختلفة عن الاطفال فأسرتي اعتبروني موهوبة ووفرولي كل الوسائل فأتعلمت الرسم على يد أساتذة وفنانين كبار في مصر وخارجها وشاركت بمعارض كثيرة منها في المدرسة وفي الجامعة الالمانية وبدار الاوبرا مع اصدقائي من ذوي الهمم وغيرهم.
انا باحب الرسم فهو ملاذي اللي باعبر بيه عن مشاعري وتأملاتي للناس و الطبيعة وجمال الكون وحب الالوان
باتمنى تشاركوني وتشرفوني في معرضي بقاعة الموسيقى بدار الاوبرا المصرية النهاردة الاتنين ٢٧ ديسمبر الساعة ٦.٣٠ وجودكم بيسعدني وبيحسسني اني ليا وجود واني مش لوحدي.
