جَـرَّبْت الصمت القاتل
جربت ســـجون الكلمة
جربت تقول مش قايل
مانا قُلت وكانت أزمـــة
جَـرَّبْت تقــــول الحـــق
يقولولــك مليــــــون لأ
ويلومـــوا عليك بزيادة
والطَّبع ده فيهــم عادة
جَـرَّبْت تغمض عينــــــك
علشان مَتشُفْش عيوبهم
جربت تِخَــــدَّر عقلَـــــك
وتقُلُّه إوعَـىٰ تكَذِّبـــــهُم
جَـرَّبْت تقــــول وانا مالي
ليــــــه أشــغِل بيهم بالي
خليــــهم لمَّا يشــــوفــوا
ميــن فينـــــا كان الغـالي
جَـرَّبْت تنـــــام زعـــــلان
ودموعـــك مالية عينيــك
بآهات الدنيــــا بتُصــــرخ
ولافيــــه حــد داري بيــك
جَـرَّبْت تشـــوف بعيونـــك
كل اللي بيقـهـــر فيــــــــك
ولاقـــادر حَـتــــَّى تـِلَمَّــــح
إن ده كُـــلُّه بـِيِــــإذِيــــــك
جَـرَّبْت اما تقـــول رأيـــك
الدنيا تقـــوم ماتـنـَمْشـي
مع إنك شـــاري خاطِرهُـم
بس ده كله ما يِفرِقـشـِــي
جَـرَّبْت تســـامِح دايـــــماً
وتكون على طول إنســـان
ليـــك نفس حقوقهم لكن
ولايــــوم قُلْت أنا نـَــدْمان
طَبْ جَـرَّبْت تِحـِـب بِجَــــد
ولا تِســـأل في كلام حَـــــد
و تِعَافِــــر كُـــل الدُّنْيــــــــا
لـَـوْ حَـتَّــــى الكُــون يِنْهَـــد
جَـرَّبْــــت ؟!؟
أنا جَـرَّبْت
✍🏻 إيمان الطيــر
