كتبت جيهان محمود .. عشوائيات القلوب

جريدة بكره احلى الاخبارية

رئيس التحرير وجدى وزيرى

زي ما في عشوائيات بتسكن فيها ، في كمان عشوائيات تسكن إليها.. دي الحقيقة بس البعض مش قادر يستوعبها زى ما فى أماكن بتغير سلوكياتك وحياتك كلها و مبادئك والقيم اللى اتخلقت بيها واللى إتعلمتها مجرد ما تعاشر أصحابها بتحصل صراعات فى حياتك كبيرة.
في قلوب بتسكن جواها وجواك بتغير حياتك كلها منها القلوب العشوائية كل اللى بتحسه بس هى نفسها وذاتها وكيانها ومش مهم الطرف التانى محتاج منك ايه.
قلوب بتجمد مشاعرك عشان بتحس وانت معاها بالبرود، حب درجة حرارته باردة تحت الصفر،
بتوصل لقلبك وتعيش انسان بلا روح بلا مشاعر بلا احساس وبتوصل بقلبك لمرحلة تجميد المشاعر.
أماكن العشوائيات صعب تكمل حياتك فيها بتخليك انسان عشوائى زيها فى الفكر وكل حاجة، كمان وجودك مع الناس اصحاب القلوب العشوائية انتحار لروحك وحياتك.

الحب محتاج قلوب راقية دافية درجة حرارتها عالية مش قلوب درجة حرارتها تحت الصفر، وتخليك عايش بلا روح بلا احساس بلا مشاعر راقية.
زي ما الاماكن العشوائية صعب تكمل حياتك فيها، برضه عشوائيات القلوب صعب تكمل حياتك معاها، وجودك معاها انتحار لروحك وحياتك.

زى ما بتختاروا الاماكن السكنية الراقية عشان تسكنوا فيها ياريت تختاروا كويس القلوب الراقية اللى تسكنوا إليها.