الاعلامى خالد سالم يكتب فى عيد ميلاد ماسبيرو ال٦٣

فاكر ياصاحبي
ماسبيرو زمان
عرق وفرحة كبيرة لما يقولوا عليك فنان
تصوير واضاءة و مونتاج ممثلين كمبارس
ونجوم كمان
سهر مبيت وشرايط اتنين و واحد بوصة
ويوماتيك وبيتاكام
كاميرات سينما وطومسون وسوني بيتا وديجيتال ألوان
الحاج فهمي و رحمي و العلمي
ليلى رستم و سلوى حجازي
وامال فهمي

وهمت و سامية صادق
والاعلام حلمي
وعلى فايق زغلول
و مين اللي كسبان
واغرب القضايا
و من الجاني
ورقة وقلم و مرايا
وخلي بالك ويايا
وعربية الوحدة السابعة ألوان
احمد سمير في النشرة ومعاه محمود سلطان

عيلة واحدة تنزل التصوير في الشارع
مع فريال صالح ولا نجوى ابراهيم و سلمي الشماع
يتلم عليكوا الميدان عبد المجيد وطارق علام
وكاميرا ٩ والعالم يغني وتاكسي السهرة كمان
وكل الفنانين في الممرات ممثلين ومطربين ومؤلفين ونيللي وشريهان

بالحب يتجمعوا ويسلموا ويسألوا فين الأسئلة والجوائز كام
ماسبيرو مش كاميرات وميكرفونات

وبرامج ونشرات و اغاني ومسلسلات

و مذيع ومعد ومخرج وضيف وحكايات

ماسبيرو افراح واحزان
واغاني واهات

ماسبيرو حياة وعالم كبير
وتاريخ وناس وذكريات

وسنين مرت وسنين
وصلنا لل 63
عشناها ما بين فرحة
واهات

ماسبيرو قلوب
وحياة وناس
وتاريخ وكتير حاجات
واضحة بالكلام والسكات

ابن ماسبيرو الوفي
خالد سالم