بسم الله معانا جبنه قديمه عيش محمص والنيه صافيه
وشاى خمسينه حبر تقيل تحت شجره بنسمه دافيه
دا الخال والجار والعم
روقان بال بخفه دم
لكن حاسب اوعي استني اتلم
اعصاب مشدوده وحرقه دم
وامسك الحق حلق حووش
وخوف من بكرة وشيل الهم
وكلام فالظهر وسوء الظن
وباب مفتوح لشطان بيزن
وكابوس فالليل بيموت حلم
احنا ابسط خلق الله
والى معهوش راضى وبيدعى للى معاه
لو الجار عدى بمحنه بنشيل همه ونحزن وياه
بالفطره بنحكم عقلنا والى بيقولو القلب بنمشى وراه
احنا ولاد اصل لينا اجداد وعادات واصول بنمشى عليها
لينا من زمن احكام وامثال الدنيا كلها بتحكيها
احنا اتربينا عالحلال والخير عليك وعليا
ونرد السلام باحسن منو والحسنه بتكون مخفيه
والربا متحرم علينا و الخشى اجمل ما مفينا
والرزق من عند الخالق ليك وليا
بس الله جبنه قديمه وعيش محمص والنيه صافيه
وشاى خمسينه حبر تقيل تحت شجره بنسمه دافيه
دا الخال والعم روقان البال بخفه دم
ياله باسم الله
