محمد سالم
إستعادت الفنانة أسماء أبو اليزيد، ذكرياتها مع الجامعة ، ومسرح الجامعة الذى تتدربت عليه ، معربة عن فخرها لإنتمائها لإتيلية المسرح بكلية الفنون الجميلة.
ونشرت أبو اليزيد ، صورة لمبنى الجامعة ، عبر حسابها على موقع الصور والفيديوهات إنستجرام ، وعلقت قائلة :”ده سطح مبنى العميد بكلية الفنون الجميلة او بمعنى أصح المسرح بتاع الكلية “اتيليه المسرح”، المكان اللي قضيت فيه احلى أوقات و اتعلمت فيه حاجات كتير وعرفت ناس حلوة اوي و شاطرة اوي و هما من اقرب الناس ليا لحد دلوقتي.
وأضافت :” المكان شكله اتغير كتير بعد كده لما اشتغلنا فيه بايدينا و من قلبنا، واكيد اتغير لما اجيال تانية بعدنا اشتغلت فيه و حطت حتة من روحها، فخورة إنى بنت فنون جميلة و بنت اتيليه المسرح”.
من ناحية أخرى تنتظر الفنانة أسماء أبو اليزيد ، عرض مسلسلها الجديد “الأنسة فرح”، والمأخوذ من فورمات أجنبى، والمسلسل مكون من 90 حلقة ،
وسيتم عرضه على أربعة أجزاء، وهو من بطولة رانيا يوسف، أسماء ابو اليزيد، محمد كيلانى، هبة عبد العزيز، عارفة عبد الرسول، جيلان علاء، مريم الخشت واخراج أحمد الجندى ومن المقرر عرضه فى شهر نوفمبر القادم.
