هو إيه معنى الوطن ؟ شعر ايمان الطير

‏🇪🇬 هو إيه معنى الوطن ؟! 🇪🇬
هـــو أمـن .. هـــو أمــان ..
هو حُضْــن .. هو حنـــان ..
هـــو لما آجــــي أفْــــرح ..
يفرحـوا معايــة الجيــران ..
لو مرضت في ليلة ضلمة ..
نُــــورهم ينــورلي المكان ..

‏🇪🇬 هو إيه معنى الوطن ؟! 🇪🇬
هـــــو #أب .. هــــو #أم ..
هــو #خال .. هـــو #عم ..
حُضـن دافي في ليلة برد ..
نسـمة باردة في حَر ظُهر ..
لُقمة سخنة في وقت ضَنْك ..
هِدمة غالية في وقت سُحْت ..

‏🇪🇬 هو إيه معنى الوطن ؟! 🇪🇬
هــو عِيــلة .. هــو لَمَّــة …
هو ضِحكـــة خال وعَمَّة …
هو شَـــرْبة ميه صافيــة …
هو لُقمـــة بألف عافيــة …
هو ضحكة طالعة مالقلب الحزين
صُوتها عالي مهما كان جواه أنيــن
يكفي إنك جوة مِنُّه بيحضنك
والله أعلم .. إنت اللي ساكنُه .. والا هو بيُسْكُنَك
مَهــو أصــله غالي مهمــا أقول مش حوصفـــه
أعلامُه عالية في السما بيرفرفوا

‏🇪🇬 هو إيه معنى الوطن ؟! 🇪🇬
هو شـارع شاف شقاوتي ..
لما عِشــت فيه طفولتي ..
مَدْرَســة اتعلمت فيـــها ..
إن الوطن أهلي وعِيــلتي ..
هو أستاذ قال لي : قولي ..
رددي ورايا يابنتي ..

‏🇪🇬🇪🇬 بلادي بلادي بلادي 🇪🇬🇪🇬
‏🇪🇬🇪🇬 لكي حبي وفؤادي 🇪🇬🇪🇬

لِســــة بَرضـــو بتســـألوا
هو إيه معنى الوطن ؟؟!!
‏🇪🇬🇪🇬 هو ده معنى الوطن 🇪🇬🇪🇬
✍🏻 إيمان الطيــــر 🕊❤️🕊