صوت الناي .. للشاعرة جيهان سامى عكاشة

شعر: جيهان سامي عكاشة

صوت الناي…
وفنجان شاي…
وبحر بعيد مالوش آخر.
شوق وحنين….
وطوق ياسمين….
وغربه قاسيه بضوافر.
وقلب كتوم …
معبي هموم….
نفسه يقوم ومش قادر.
قلم مقصوف….
ومليان خوف….
ولسه برضه بيعافر.
وقلب تاب عن الأحلام….
من كتر قسوه الأيام….
زهد فيها وخد ساتر.
ياطير مكسوره جناحاته….
نزف في الغربه أناته….
لحد إمتي هتهاجر؟

للتواصل لنشر أعمالكم وأخباركم ومشاكلكم بموقع الجريدة التواصل

 من خلال البريد الالكترونى :wawaziry@gmail.com