الله الله علي ضحكتك

شعر : جيهان سامي عكاشه

الله الله علي ضحكتك….
لما بتضحك حضرتك…..
لما كده وسط الغيوم…
واقف تعاند في الهموم…
جامد مثبت خطوتك.
الله عليك لما تعافر…..
وفي خوفك تغرز ضوافر…
وقادر تحضن فكرتك.
ومهما القسوه فيك تقاوح…
سيبك وإغفر وسامح….
وإتعلم من محنتك.
إوعي تسود قلب أبيض…
وتحرمه من إنه ينبض….
وتغرق الطيبه في دمعتك.
إوعي الهم يقيدك….
ويلجمك ويشتتك…..
حارب علشان حريتك.
الدنيا دي يمين شمال….
والناس مابين قالت وقال….
وبإديك تختار سكتك.
ياتعيش مبسوط بجد…
ياتخلي الهم فيك يهد…
صدقني كله برغبتك.
أيوووووووووه كده…..هوووووووو كده
إضحك وفرفش دنيتك….
تسلملي ضحكه حضرتك

للتواصل لنشر أعمالكم وأخباركم ومشاكلكم بموقع الجريدة التواصل

 من خلال البريد الالكترونى :wawaziry@gmail.com